வேதவாக்கியங்களை ஆராய்ந்து பாருங்கள்

தியான பகுதி – யோவான்5:35-39.
தியான வசனம் – யோவான் 5:39.
வேதவாக்கியங்களை ஆராய்ந்து பாருங்கள்: அவைகளால் உங்களுக்கு நித்தியஜீவன் உண்டென்று எண்ணுகிறீர்களே, என்னைக்குறித்துச் சாட்சிகொடுக்கிறவைகளும் அவைகளே. (யோவான் 5:39)

ஆராய்தல் என்பது பலவிதங்களில் மேற்கொள்ளப்படுகின்றது.
– ஒன்றை ஆராயும்படியான ஆராய்ச்சி.
– ஒன்றை நம்பும்படியான ஆராய்ச்சி.
– மெய்ப்பித்து காட்டும்படியான ஆராய்ச்சி.
– சோதித்து பார்க்கும்படியான ஆராய்ச்சி.
– பக்திவளர்ச்சிக்கான ஆராய்ச்சி. இங்கே நாம் நமது பக்தி வளர்ச்சிக்காய் விவிலியத்தை ஆராய்ந்து பார்க்க பரிசுத்த ஆவியானவர் தூண்டுகிறார்.

விவிலியத்தை ஆராய்வதினால் கிடைக்கும் 7 நன்மைகள்:

1. விவிலியம் தேவ ஆவியினால் அருளப்பட்டுள்ளது. 2தீமோத்தேயு 3:16. ஆவியானவரால் கொடுக்கப்பட்டுள்ளதினால் அதில் ஆவியானவர் இணைந்துள்ளார்.
அவர் வசனங்களுடன் பேசுகிறார். அவரின் சத்தம் நாம் கேட்க வேண்டும். வசனத்தை கேட்டால் ஆவியானவர் நம்மில் வருவார். அப்போஸ்தலர் 10:44.

2. விவிலியத்தில் நித்திய ஜீவன் உண்டு. யோவான் 5:39.
எந்த படிப்பிலும் – நூலிலும் ஜீவன் இல்லை.
ஆனால் பணம் வரும் – அது செத்த வார்த்தை.
வசனம் ஜீவ வார்த்தை – அதில் ஜீவன் உண்டு.
ஜீவன் வந்ததென்றால் எல்லாம் கிடைக்கும்.
நன்மை உண்டாகும்.

3. விவிலியத்தில் வல்லமை உண்டு. மாற்கு 12:24.
வல்லமை என்பது டூனமிஸ் ஆகும். வார்த்தை வல்லமையுள்ள வார்த்தை.
– அற்புதங்கள் செய்யும் வல்லமை அதில் உண்டு.
– உருவாக்கும் வல்லமை உண்டு.
– ஆன்மீக ஆற்றல் உண்டு.
வார்த்தை கிரியை செய்கிறது. தூரத்திலும் கிரியை செய்யும், அருகிலும் கிரியை செய்யும்.

4. விவிலியம் கண்களை திறக்க செய்யும். லூக்கா 24:45.
– மாம்ச கண்கள் திறக்கப்பட்டு தெளிவு உண்டாகும்.
– மனக்கண்கள் திறக்கப்பட்டு தேவனை காணும், ரகசியங்களை அறிய முடியும். அப்போஸ்தலர் 16:14.

5. விவிலியம் இருதயத்தை கொழுந்துவிட்டு எரிய செய்யும். லூக்கா 24:32.
வசனம் வாசிக்க, தியானிக்க அனல் உண்டாகும். தெய்வ அபிஷேகம் – ஆவியின் நிறைவு உண்டாகும்.
அக்கினி மூண்டது. சங்கீதம் 39:3.
தலையில் தீபம் சுடர் விடும். யோபு 29:3.

6. விவிலியம் உங்களை நற்குணசாலிகளாக மாற்றும். அப்போஸ்தலர் 17:11. நற்குணம் இல்லாதவன் நற்குணசாலியாவான். நற்குணமுள்ளவன் மேலும் நற்குணசாலியாவான். ரூத் 3:10. விசாலத்தில் – ஒளிவு மறைவின்றி நடக்க முடியும். சங்கீதம் 119:45.
ஒழுக்கமுள்ளவன் யாரை கண்டும் பயப்படமாட்டான் – எல்லாரிடத்தும் சிநேகமுள்ளவனாயிருப்பான். ஒடுங்கியல்ல, மறைந்தல்ல வெளிப்படையாக வாழ்வர்.

7. விவிலியம் நிறைவேறுதலுக்காக காத்திருக்கிறது. மத்தேயு 5:18. மத்தேயு 24:35. வெளி 22:18,19.
அவர் சொன்னால் ஆகும்.
அது நிறைவேற்றும் ஏசாயா 55:11.

ஜெபம். கர்த்தாவே, உம் வசனங்களை கொண்டு எங்களை உயிரடைய செய்வதற்காகவும், ஆசீர்வதிப்பதற்காகவும் நன்றி. இந்த வார்த்தைகளை நாங்கள் சுமந்து திரியவும், மறவாமல் இருக்கவும் உதவி செய்யும். உம் வார்த்தைகளின் பெலத்தால் உம் ஆவியானவருக்கு கீழ்படிந்து வாழ உதவி செய்யும்.