இதோ திறந்தவாசலை உனக்கு முன்பாக வைத்திருக்கிறேன்.

உன் கிரியைகளை அறிந்திருக்கிறேன், உனக்குக் கொஞ்சம் பெலன் இருந்தும், நீ என் நாமத்தை மறுதலியாமல், என் வசனத்தைக் கைக்கொண்டபடியினாலே, இதோ, திறந்தவாசலை உனக்கு முன்பாக வைத்திருக்கிறேன், அதை ஒருவனும் பூட்டமாட்டான். (வெளிப்படுத்தின விசேஷம் 3:8)

இது யாருக்கு?
பிலதெல்பியா சபைக்கு…
பிலதெல்பியா என்றால் சகோதர சிநேகம் என்று பொருள்.
பிலதெல்பியா பட்டணத்திலுள்ள சபைக்கு வாக்குறுதியாக இந்த வாக்கை தருகிறார்.
ஏன் இந்த வாக்குறுதி தரப்பட்டது?

1. பிலதெல்பியா சபை சகோதர சிநேகம் உள்ள சபை.
   பிலோஸ் என்றால் அன்பு என்றும், அடல்பாஸ் என்றால் சகோதரர் என்றும் பொருளாகும்.
   எபிரெயர் 13:1 ல் சகோதர சிநேகம் நிலைத்திருக்கக்கடவது என்கிறார்.
   1தெசலோனிக்கேயர் 4:9 ல் இரட்சிக்கபட்டவர்களுக்குள் ஒருவருக்கொருவர் அன்பாயிருப்பதே சகோதர சிநேகம் என்கிறார்.
   1பேதுரு 1:22 ல் மாயமற்ற சகோதர சிநேகம் உடையவர்களாய் இருக்க வேண்டும் என்கிறார். உதட்டில் ஒன்று, உள்ளத்தில் ஒன்று என்றல்ல உண்மையான சிநேகம்.
   ரோமர்12:10 ல் சகோதர சிநேகத்திலே ஒருவர் மேலொருவர் பட்சமாயிருங்கள் என்கிறார்.
   யோவான் 15:13 ல் ஒருவன் தன் சிநேகிதனுக்காக ஜீவனை கொடுக்கிற அன்பிலும் மேலான அன்பு இல்லை என்கிறார் இயேசு.
   சகோதர சிநேகத்தை விட்டு விடாதிருங்கள்.
2. கிறிஸ்துவின் நாமத்தை மறுதலிக்காத சபை. வெளி 3:8.
   பெலன் இல்லாதபோதும் அவரை மறுதலிக்கவில்லை.
   குறைவு இருந்தபோதும் அவரை மறுதலிக்கவில்லை.
   சாவே வந்தாலும் மறுதலிக்காத சபை.
   போராட்டங்கள் இருந்த போதும் அவரை மறுதலிக்காத சபை
   இயேசுவை கர்த்தர் என்றும், ஆண்டவர் என்றும் அறிக்கை செய்த சபை. 2கொரிந்தியர் 4:5;பிலிப்பியர் 2:11.
   உரோம தேசாதிபதியல்ல இயேசுவே கர்த்தர் என்று அறிக்கையிட்டனர்.
   பெர்கமு சபையை பார்த்து சொல்லுகிறார்… வெளி 2:13.
   நாம் பணத்துக்காகவும், வேலைக்காகவும், சலுகைக்காகவும் இயேசுவை மறுதலித்ததை வெட்டு வெளியே வாருங்கள். கிறிஸ்துவை முழுமையாய் பின்பற்றி திறந்த வாசலை பெறுங்கள்.
   வாசிக்கலாம்.. 1தீமோத்தேயு 6:21,9,10,11,12.
3. கிறிஸ்துவின் வசனத்தைக் கைக்கொண்ட சபை. 3:8.
   இந்த வசன வைராக்கியம் இருந்ததினால்தான் அவர்களுக்கு வைக்கப்பட்ட சோதனையில் தப்பினார்கள், உபத்திரவத்திலும் பொறுமையை காத்தார்கள். வசனம் 9,10.
   தெசலோனிக்கே சபையாரும் வசனத்தை பின்பற்றி மாதிரிகளானார்கள் 1தெசலோனிக்கேயர் 1:6,7.
   வசனம் உள்ளே இருந்தால்தான் மாதிரியாயிருக்க முடியும்.
   ஜெபத்தில், செய்தியில், ஆலோசனையில், கலந்துரையாடலில் வசனம் வெளிப்பட வேண்டும். கொலோ4:6.
   எனவே கொலோசெயர் 3:16 ஐ வாசிப்போம்.

இந்த சபைக்கு திறந்தவாசல் ஏற்படுத்தப்பட்டது. நீங்கள் இவர்களைப்போல் களைய வேண்டியவைகளை களைந்து, அழிக்க வேண்டியவைகள அழித்து, ஒழிக்க வேண்டியவைகளை ஒழித்து, எரிக்க வேண்டியவைகளை எரித்து, சொல்லப்படக்கூடாதவைகளை தவிர்த்து பிலதெல்பியா சபையை போலிருந்தால் உனக்கும் திறந்த வாசல் உண்டாகும்.
எவைகளிலெல்லாம் திறந்தவாசல் உண்டாகும்?

1. ஒளிப்பிடத்திலும் மறைவிடத்திலும் உள்ள புதையலை பெற.. ஏசாயா 45:4.
2. வசனம் போகாதபடிக்குள்ள தடைகளின் மத்தியில் திறந்தவாசல். கொலோசெயர் 4:4. உள்ளே போய் ஏசாயா 58:6,7.
3. உபத்திரவங்களில் திறந்தவாசல். அப்போஸ்தலர் 16:16-36.
4. மரணகுழிகளில் அகப்படுகிறவர்களுக்கு திறந்த வாசல். மத்தேயு 27:52, லாசரு.
5. புறக்கண்கள் அடைக்கப்பட்டிருக்க அககண்களாகிய திறந்தவாசல். சங்கீதம் 119:18; லூக்கா 24:45.
6. பாறையின் கடினத்தை உடைத்து தாகம் தீர்க்கப்பட்டது ஒரு திறந்த வாசலாகும். சங்கீதம் 105:41, ஏசாயா 55:1.
7. உன் ஜெபத்துக்கு பரலோகம் திறக்கும். 2நாளாகமம் 6:20,7:15.

இதோ திறந்தவாசலை உனக்கு முன்பாக வைத்திருக்கிறார். உள்ளே நுழைந்து நன்மை பெற்றுக்கொள். ஒருவரும் அவர் திறந்த உனது திறந்தவாசலை மூட முடியாது. ஆமென்.